Bu gün Misli Premyer Liqasında 25-ci tura yekun vurulub.
QOL.az xəbər verir ki, turun son oyununda “Turan Tovuz” “Qəbələ” ilə üz-üzə gəlib.
Tovuz şəhər stadionu hazır olmadığına, komandanın son zamanlar ev oyunlarını keçirdiyi “Azərsun Arena” isə təmirə bağlandığına görə “Turan Tovuz” rəqibini Sumqayıtda qəbul edib.
Hazırda Kurban Berdıyevin komandası 45 xalla 3-cü, “Qəbələ” ilə 16 xalla 11-ci pillədə qərarlaşıb.
Cari mövsümün ilk iki dövrəsində “Turan Tovuz” rəqibini məğlub edib – 1:0 və 3:0.
Qeyd edək ki, bu qarşılaşmadan sonra milli komandaların oyunları ilə əlaqədar Misli Premyer Liqasında aprelin 5-ə qədər fasilə yaranacaq.
21 mart (şənbə)
16:00. “Turan Tovuz” – “Qəbələ” - 3:2
Qol: Hayderson Hurtado, 3 (1:0), Eşqin Əhmədov, 27 (1:1), Hayderson Hurtado, 49 (2:1), Joarlem Santos, 59 (3:1), Roderik Miller, 90+7-avtoqol (3:2)
Mehdi Hüseynzadə adına Sumqayıt şəhər stadionu
18 mart (çərşənbə)
“Şamaxı” - “Araz-Naxçıvan” - 0:1
19 mart (cümə axşamı)
“Sabah” - “Sumqayıt” - 3:1
“Karvan-Yevlax” - “Zirə” - 0:1
20 mart (cümə)
“Kəpəz” - “Qarabağ” - 1:0
“Neftçi” - “İmişli" - 6:0
Bombardirlər:
Coy Lens Mikels (“Sabah”) - 15 qol
Bassalu Sambu ("Neftçi") - 10 qol
Velko Şimiç (“Sabah”) - 10 qol
Emin Mahmudov ("Neftçi") - 9 qol
Karim Rossi ("Şamaxı") - 9 qol
Ba-Muaka Simakala (“Araz-Naxçıvan”) - 8 qol
Toral Bayramov (“Qarabağ”) - 7 qol
Dioqo Almeyda ("İmişli") - 7 qol
