Ayna saytına istinadən ain.az xəbər verir.
Stiven Uitkoff və Cared Kuşner potensial diplomatik addımlarla bağlı müzakirələr aparır
Vaşinqton administrasiyasının rəsmiləri İranla potensial sülh danışıqlarına hazırlıq üçün ilkin müzakirələr aparırlar. AYNA.AZ xəbər verir ki, bu barədə “Axios” portalı mənbələrə istinadən məlumat yayıb
Mənbələr bildirib ki, müharibənin başlamasından üç həftə sonra ABŞ administrasiyası növbəti mərhələ və İranla dialoq imkanlarını qiymətləndirir.
Qeyd olunub ki, Prezident Donald Trampın xüsusi elçisi Stiven Uitkoff və Cared Kuşner potensial diplomatik addımlarla bağlı müzakirələr aparır. ABŞ və İran arasında son günlər birbaşa əlaqə olmasa da, Misir, Qətər və Birləşmiş Krallıq vasitəsilə mesajlar ötürülüb. Məlumatda bildirilir ki, İran danışıqlara maraqlıdır, lakin sərt şərtlərlə, o cümlədən atəşkəs, gələcəkdə münaqişənin yenidən başlamayacağına zəmanət və kompensasiya tələb edir.
ABŞ perspektivindən sülh razılaşmasına əsas şərtlər olaraq Hörmüz boğazının açılması, İranın raket proqramını beş il ərzində inkişaf etdirməməsi, uranın zənginləşdirilməsinin dayandırılması və Nətənz, İsfahan və Fordo nüvə obyektlərinin istismardan çıxarılması daxildir. Həmçinin, ABŞ İranın sentrifuqaların və nüvə texnologiyasının istifadəsinə nəzarət etməsini, region ölkələrində raket sayının 1000-dən çox olmaması barədə silah nəzarəti sazişlərinin imzalanmasını və “Hizbullah”, “Ənsar Allah” və HƏMAS kimi qruplara dəstəyin dayandırılmasını tələb edir.
Portalın məlumatına görə, ABŞ İrana təzminat ödəməyi nəzərdən keçirmir, lakin "İranın dondurulmuş aktivlərinin qaytarılması" məsələsini müzakirə etməyə açıqdır.
Sonrakı hadisələr barədə daha çox məlumat almaq üçün ain.az saytını izləyin.
