Oxumeni.az saytından verilən məlumata əsasən, ain.az məlumatı açıqlayır.
İsrail İran və Livana zərbələri davam etdirəcəyini elan etdi
İsrail İran və Livandakı hədəflərə zərbələr endirməyə davam edir. Oxuməni.az xəbər verir ki, bu barədə İsrailin Baş naziri Binyamin Netanyahu bazar ertəsi, X sosial şəbəkəsində yayımladığı video müraciətdə bildirib.
Netanyahu deyib: "Biz həm İrana, həm də Livana zərbələr endirməyə davam edirik. Biz (İranın) raket və nüvə proqramını məhv edirik və "Hizbullah"a ciddi ziyan vurmağa davam edirik. Cəmi bir neçə gün əvvəl biz daha iki (İranlı) nüvə alimini məhv etdik və bu, hələ son deyil".
Həmin bəyanatda İsrailin Baş naziri ABŞ Prezidenti Donald Trampla telefon danışığı apardığını da bildirib. Netanyahunun sözlərinə görə, söhbət zamanı Amerika lideri İsrail və Amerika ordularının "böyük uğurlarından" dövlətlərin "həyati maraqlarını" qoruyacaq "razılaşma çərçivəsində hərbi məqsədlərə nail olmaq üçün" istifadə ediləcəyinə ümid etdiyini bildirib.
Tramp özü daha əvvəl İranla "məhsuldar danışıqlar" və Yaxın Şərqdə qarşılıqlı fikir ayrılıqlarının "şərtsiz həlli" barədə məlumat vermişdi. ABŞ Prezidenti bununla əlaqədar olaraq "İranın elektrik stansiyalarına və enerji infrastrukturuna qarşı hər hansı hərbi zərbələri beş gün müddətinə təxirə salmağı" tapşırıb, bu, onun “Truth Social” sosial şəbəkəsindəki paylaşımından irəli gəlir.
Lakin İran hakimiyyəti Trampın bəyanatlarını təkzib edib. İranın dövlət informasiya agentliyi “Tasnim” yüksək rütbəli bir məmura istinadən bildirib ki, Vaşinqtonla danışıqlar "olmayıb və yoxdur".
Almaz Həsənli
Hadisənin gedişatını izləmək üçün ain.az saytında ən son yeniliklərə baxın.
