ABŞ, İsrail və İran arasında gərginliyin artması və qlobal enerji balansının sarsılması nəticəsində neft böhranı ilə üzləşən Hindistan mövcud vəziyyətdən çıxış yolu axtarır.
"Cebheinfo.az" xəbər verir ki, yaranan problemə həll yolu tapan Hindistan aprel ayı üçün Rusiyadan irimiqyaslı neft alıb. Bu addımın Yaxın Şərqdəki gərginlik səbəbindən enerji təchizatındakı qeyri-müəyyənliklərdən sonra atıldığı düşünülür.
Qlobal tədarükdə azalma ehtimalı ölkələri alternativ təchizatçılar axtarmağa vadar edib. Bu prosesdə Rusiyanın güclü enerji təchizatçısı kimi yenidən ortaya çıxması diqqəti Moskvaya yönəldib.
Buna görə də, beynəlxalq təhlillər "Rusiya bu müharibənin qalibidir" kimi şərhləri vurğulamağa başlayıb. Belə bir vaxtda Hindistanın Rusiyadan 60 milyon barel neft alması diqqət çəkib.
