Türkiyə futbolunda bütün dövrlərin ən çox xal toplayan klublarının siyahısı açıqlanıb.
Moderator.az xəbər verir ki, statistik göstəricilərə əsasən, siyahıya "Fənərbağça" başçılıq edir. İstanbul təmsilçisi topladığı 4498 xalla ilk pillədə qərarlaşıb.
İkinci yerdə 4465 xalla "Qalatasaray", üçüncü pillədə isə 4267 xalla "Beşiktaş" yer alıb.
İlk beşliyi 3095 xalla "Trabzonspor" və 2189 xalla "Bursaspor" tamamlayır.
Siyahının davamında "Ankaraqücü", "Gənclərbirliyi", "Altay", "Qaziantepspor" və "Samsunspor" kimi klublar qərarlaşıb.
Həmçinin, ilk “15-lik”də "Eskişehirspor", "Göztepe", "Antalyaspor", "Konyaspor" və "Başakşehir" də yer alıb.
Beləliklə, açıqlanan ümumi cədvəl Türkiyə futbol tarixində klubların topladığı xallar əsasında formalaşdırılıb və liderlik "Fənərbağça"nın əlindədir. /Offsideplus.az/
