Ötən həftə Avropada ilin ən maraqlı oğurluğu yaşanıb.
Musavat.com xəbər verir ki, naməlum şəxslər 12 ton KitKat şokolad batonlarını oğurlayıblar.
Oğrular yükü daşıyan yük maşını ilə birlikdə yoxa çıxıblar. İsveçrə qida nəhəngi Nestlé-yə məxsus KitKat şirkəti bildirib ki, 413.793 baton (cəmi 12 ton) daşıyan yük maşını mərkəzi İtaliyadan yola düşüb, lakin Polşadakı təyinat nöqtəsinə çatmayıb.
Yükün, sürücünün və nəqliyyat vasitəsinin harada olduğu hələ də məlum deyil. KitKat oğurlanmış batonların unikal partiya kodlarından istifadə edərək izlənilə biləcəyini açıqlayıb. Buna görə də, partiya nömrələrini skan edib oğurlanmış partiyadan şokolad tapan hər kəs şirkətlə əlaqə saxlaya və tapıntının şərtləri barədə məlumat verə bilər. Lakin oğurlanan şokoladların mağazalar vasitəsilə satılacağına heç kim inanmır.
Musavat.com
