Portuqaliya millisinin baş məşqçisi Roberto Martines komandasının 2026-cı il Dünya Kubokunu qazana biləcəyi barədə danışıb.
Publika.az xəbər verir ki, Martines “6” rəqəminin düşərli olacağını da güman edir.
“Portuqaliyanın Dünya Kubokunu qazanmaqdan narahat olduğunu deməzdim. Həyəcan, ümid olduğunu deyərdim. Komandada belə oyunçuların olması təbiidir. Kriştiano Ronaldo, “Mançester Yunayted” in kapitanı Bruno Fernandes, “Porto”nun kapitanı Dioqo Kosta, “Mançester Siti”nin kapitanı Bernardo Silva və ÇL-in qalibi PSJ-nin dörd əsas oyunçusu var. Bu, portuqaliyalıları xoşbəxt edir.
Bilirik ki, heç vaxt Dünya Kubokunu qazanmamışıq və bu, çətinlik deməkdir. Bilirik ki, hər şey tez dəyişə bilər, təkcə istedad kifayət deyil, kiçik detallar da əks nəticə verə bilər. Əlbəttə ki, bir şey alınmayanda, bu, çəkic zərbəsi kimidir, amma gəlin xəyal quraq.
Düşünürəm ki, biz bunu edə bilərik. Və istəyirəm ki, komandamız da məhz bu cür münasibət bəsləsin. Mən xurafatçı deyiləm, amma numerologiyanı sevirəm. Və bu, 13 iyulda anadan olmağıma baxmayaraq belədir.
