Azərbaycanın böyük sənətkarı Rasim Balayevin vəfatından sonra onunla bağlı xatirə yazıları və videolar sosial şəbəkələrdə geniş yayılaraq trendə çevrilib.
"Cebheinfo.az" bu çərçivədə daha bir diqqətçəkən videonu təqdim edir. Kadrlardan aydın olur ki, Azərbaycanın görkəmli şairi Ramiz Rövşənin oğlunun toy mərasimində (2013, mart) xalqımızın iki böyük sənətkarı – dünya şöhrətli xanəndə Alim Qasımov və xalq artisti Rasim Balayev birlikdə çıxış edərək unudulmaz anlara imza atıblar.
Həmin məclisdə Rasim Balayevin həzin şəkildə şeir səsləndirməsi, Alim Qasımovun isə ona muğamla müşayiət etməsi qonaqlar tərəfindən böyük maraq və alqışla qarşılanıb. Bu emosional duet təkcə bir çıxış deyil, həm də Azərbaycan mədəniyyətinin dərin köklərini, sənət adamlarının birliyini və qarşılıqlı ehtiramını əks etdirən nadir an kimi yadda qalıb.
Sosial mediada yenidən yayılan bu görüntülər Rasim Balayevin sənət irsinin nə qədər canlı və sevilən olduğunu bir daha sübut edir.
"Cebheinfo.az" həmin videonu bir daha təqdim edir və böyük sənətkar Rasim Balayevə Allahdan rəhmət diləyir. (musavat.com)
"Cebheinfo.az"
