Gürcüstan həbsxanalarında saxlanılan Azərbaycan vətəndaşlarının sayı 161 nəfər təşkil edir.
APA-nın yerli bürosu xəbər verir ki, bu barədə Gürcüstanın Milli Statistika İdarəsinin fevral ayı üzrə hesabatında bildirilib.
Azərbaycan vətəndaşlarının 49-u kişi, 4-ü qadın olmaqla 53-ü təqsirləndirilən şəxs, 94-ü kişi, 14-ü qadın olmaqla isə 108-i məhkumdur.
Qonşu ölkədə 77 nəfər Azərbaycan vətəndaşı probasiya nəzarətində saxlanılır.
Gürcüstanda 63 ölkənin ümumilikdə 1 659 vətəndaşı həbs cəzası çəkir. Türkiyə (539 nəfər) və Rusiya (189 nəfər) vətəndaşları onların arasında ilk yerlərdədir. Probasiya nəzarətində isə 47 ölkənin 670 vətəndaşı saxlanılır.
"Cebheinfo.az"
