Baku.ws saytından alınan məlumata görə, ain.az bildirir.
ABŞ-nin Tennessi ştatında yaşayan 50 yaşlı Anjela Lipps süni intellekt əsaslı üz tanıma sisteminin səhvi nəticəsində törətmədiyi cinayətə görə 108 gün həbsdə qalıb.
BAKU.WS xəbər verir ki, məlumata görə, hadisə 2025-ci ilin aprelində Şimali Dakotada baş verən bank dələduzluğu ilə bağlıdır. Polis təhlükəsizlik kameralarındakı görüntüləri "Clearview AI" sisteminə yükləyib və sistem Anjela Lippsi şübhəli kimi müəyyənləşdirib.
2025-ci il iyulun 14-də federal agentlər qadının evinə basqın edərək onu saxlayıb. Lipps heç vaxt getmədiyi ştatda törədilmiş cinayətə görə həbs edilib və girovsuz olaraq saxlanılıb.
O, Tennessi və Şimali Dakota ştatlarında ümumilikdə 108 gün həbsdə olub. Daha sonra təqdim olunan sübutlar onun hadisə zamanı başqa yerdə olduğunu təsdiqləyib və ittihamlar ləğv edilib.
Polis rəhbərliyi hadisədə süni intellektə həddindən artıq etibar edildiyini və lazımi yoxlamaların aparılmadığını etiraf edib.
Qeyd olunur ki, qadın həbsdə olduğu müddətdə evini, işini və sağlamlığını itirib. Bu hadisə ABŞ-də üz tanıma texnologiyasının səhvi nəticəsində qeydə alınan doqquzuncu belə haldır.
Daha ətraflı məlumat və yeniliklər üçün ain.az saytını izləyin.
