Metbuat.az xəbər verir ki, alimlərin apardığı araşdırma nəticəsində məlum olub ki, telefon istifadəsi dopamin sistemini stimullaşdıraraq beyində asılılıq yaradır. Bu isə insanın real həyatda motivasiyasını azaldır və daim yeni məlumat axınına ehtiyac hissi formalaşdırır. Nəticədə, insan daha tez yorulur, fokuslanmaqda çətinlik çəkir və gündəlik işlərdə məhsuldarlıq aşağı düşür.
Digər ciddi təsir isə yuxu ilə bağlıdır. Telefon ekranından yayılan mavi işıq melatonin hormonunun ifrazını azaldır və bu da yuxu rejimini pozur. Uzun müddətdə isə keyfiyyətsiz yuxu beyin sağlamlığına mənfi təsir göstərərək stress, əsəbilik və hətta depressiya riskini artırır. Buna görə də mütəxəssislər telefon istifadəsini məhdudlaşdırmağı və xüsusilə yatmazdan əvvəl ekrandan uzaq durmağı tövsiyə edir.
