Qana millisi baş məşqçisiz qalıb.
Fanat.Az xəbər verir ki, Otto Addo istefaya göndərilib.
Bu barədə Qana Futbol Assosiasiyasının mətbuat xidməti məlumat yayıb. İstefa yığmanın son yoxlama oyununda Almaniya millisinə 1:2 hesablı məğlubiyyətindən sonra baş tutub. Ancaq bu, sırf almanlarla görüşün nəticəsinə görə deyil, millinin son dövr uğursuz çıxışı ilə bağlıdır. Qana yoxlama oyunlarında ardıcıl 4 məğlubiyyət alıb.
Xatırladaq ki, Otto Addo 2024-cü ilin martından ikinci dəfə Qana millisinə rəhbərlik edirdi. O, daha əvvəl - 2022-ci ildə də sözügedən komandanı çalışdırıb və 2022-ci il dünya çempionatında iştirak edib.
Qana millisi 2026-cı il dünya çempionatının final mərhələsində L qrupunda Xorvatiya millisi, İngiltərə millisi və Panama millisi ilə mübarizə aparacaq. Komanda ilk oyununu 17 iyunda Panamaya qarşı keçirəcək.
