Şimali İtaliyanın Liquriya bölgəsi əhali itkisi ilə mübarizə aparmaq və tarixiliyi qorumaq məqsədilə Pignone və Triora qəsəbələrindəki baxımsız evləri 1 avro simvolik qiymətlə satışa çıxarıb. Layihə çərçivəsində alıcıların bu daş evləri əslinə uyğun bərpa etmələri və bölgədə aktiv həyat sürmələri hədəflənir.
Milli.Az xəbər verir ki, dünyaca məşhur "Cinque Terre" bölgəsinin düz arxasında, yaşıl bir vadidə yerləşən Pignone kəndi kənd təsərrüfatı keçmişi və dəyirmanları ilə tanınır. Kütləvi turizmdən kənarda qalan bu kənddə bələdiyyə tərəfindən satışa təqdim edilən binaların bərpa edilməsi gözlənilir. Rəsmilər layihəyə qatılan şəxslərin ilin böyük hissəsini burada keçirərək yerli mədəniyyətə inteqrasiya olmalarını şərt qoyur.
İtaliyanın ən gözəl yaşayış məskənlərindən biri hesab edilən Triora Qotika memarlığı və 16-cı əsrə dayanan tarixi ilə seçilir. 1587-1589-cu illərdəki cadugər məhkəmələri ilə tanınan qəsəbə; qaranlıq daş tikililəri, dar küçələri və hündür evlərdən ibarət labirint şəbəkəsi ilə diqqət çəkir. "Cadugərlər şəhəri" kimi tanınan bu qəsəbədəki simvolik satışlar tarixi kimliyin qorunması məqsədilə həyata keçirilir.
Simvolik qiymətə təklif olunan bu binalar üçün alıcıların əməl etməli olduğu ciddi qaydalar var:
Evlərin hamısı əsaslı təmir tələb edən köhnə tikililər olduğu üçün alıcılar müəyyən müddət ərzində bərpa işlərini tamamlamağa dair öhdəlik götürməlidir.
Bu investisiyanın qarşılığında mülkiyyətçilər İtaliyanın tarixi və təbii irsinin bir hissəsi olmaq imkanı əldə edirlər.
Lalə Qüdrətova
Milli.Az
