ABŞ-ın müdafiə naziri (Pentaqon) Pit Heqsetin brokeri ABŞ-İsrail əməliyyatının başlamasından bir neçə həftə əvvəl müdafiə şirkətlərinə çoxmilyon dollarlıq investisiya qoymağa çalışıb...
Poliqon xəbər verir ki, bu barədə Financial Times mənbələrə istinadən məlumat verir.
Nəşrin məlumatına görə, fevral ayında Heqset ilə əlaqəli və Morgan Stanley-də işləyən bir broker BlackRock ilə əlaqə saxlayıb. Söhbət Tehrana qarşı hərbi əməliyyatların başlamasından bir az əvvəl ETF Defense Industrials Active-ə milyonlarla dollarlıq investisiyalardan gedib.
BlackRock-a görə, bu fond qlobal gərginliklər fonunda müdafiəyə dövlət xərclərinin artmasından faydalana biləcək şirkətlərə yönəlib. Onun əsas aktivləri arasında RTX Corporation, Lockheed Martin, Northrop Grumman və Palantir Technologies kimi nəhənglər var.
Materialın Financial Times-da dərc olunmasından sonra Pentaqon kəskin reaksiya verib. Departamentin sözçüsü Şon Parnell bu açıqlamaların tamamilə yalan və uydurma olduğunu bildirib.
ABŞ Müdafiə Nazirliyi vurğulayıb ki, nə nazir Heqset, nə də onun nümayəndələri bu cür investisiyalar barədə BlackRock ilə əlaqə saxlamayıblar: "Bu, ictimaiyyəti çaşdırmaq məqsədi daşıyan əsassız böhtandır. Biz dərhal təkzib tələb edirik".
Poliqon.info
