ABŞ Ordusu müasir müharibə şəraitinə uyğunlaşmaq üçün Fort Benningdə snayper hazırlığı proqramını köklü şəkildə yeniləyib. Artıq hərbçilərə yalnız insan gözündən deyil, həm də yüksək texnologiyalı pilotsuz uçuş aparatlarından gizlənmək öyrədilir.
HİT.az xəbər verir ki, bu barədə “Forbes” yazır.
Təlimatçı, baş çavuş Brett Bollincer bildirib ki, texnoloji cəhətdən inkişaf etmiş rəqiblərin yaratdığı təhlükə ənənəvi yanaşmaları dəyişməyə məcbur edib.
Onun sözlərinə görə, termal kameralar və elektromaqnit sensorları olan dronlar klassik kamuflyajı demək olar ki, yararsız edir. Bu sistemlər insan bədəninin istiliyini hətta sıx meşəlik ərazidən belə aşkar edə bilir: “Biz hava və yer sensorlarını kor edə biləcək məhsulları qiymətləndiririk”.
Buna görə snayperlərə yalnız atış deyil, həm də dronların və sensor sistemlərinin iş prinsipi öyrədilir. Hərbçilər elektromaqnit və istilik sensorlarını aldatma texnikalarını sınaqdan keçirirlər. Təlimlərdə hətta özəl dron istehsalçıları da iştirak edir.
“Biz bir nəqliyyat vasitəsini gizlədə bildik, statik sığınacaq yaratdıq və sonra şirkətin təqdim etdiyi termal görüntü sistemləri ilə bunun nə qədər effektiv olduğunu müşahidə etdik”, deyə Bollincer sınaqlar barədə bildirib.
Samir
