Türkiyənin Ege Üniversitesi alimləri xərçəng hüceyrələrini məhv etməyə yönəlmiş yeni “Manyetik Anti-Kanser Texnologiyası” (MAT) üzərində çalışaraq patent müraciəti ediblər. Layihə Aylin Şendemir və Olcay Kaan Çakır tərəfindən hazırlanıb.

Bu innovativ üsulda mikro və nano ölçülü hissəciklər xərçəng hüceyrələrinə yerləşdirilir və daha sonra xaricdən tətbiq olunan mexaniki və maqnit təsiri ilə həmin hüceyrələr parçalanaraq məhv edilir. Ən önəmli üstünlük isə sağlam hüceyrələrə zərər vermədən yalnız xəstə hüceyrələrin hədəflənməsidir.

MAT sistemi həm də xərçəng hüceyrələrini “aldadaraq” onları bu hissəcikləri qəbul etməyə məcbur edir və nəticədə hüceyrə öz məhvinə özü şərait yaradır. Bundan əlavə, texnologiya görüntüləmə məqsədilə də istifadə oluna bilər və şişlərin daha dəqiq müəyyən edilməsinə kömək edə bilər.

Alimlərin sözlərinə görə, bu metod gələcəkdə bir çox xərçəng növlərinin müalicəsində istifadə oluna bilər. Lakin hazırda texnologiya eksperimental mərhələdədir və geniş klinik tətbiq üçün əlavə tədqiqatlara ehtiyac var.

aia.az
Tərcümə şöbəsi

• Xərçəng
• Kəşf
• Sağlıq
• Türk Alimlər
• Mat Texnologiyası