Demokrat.az saytından alınan məlumata görə, ain.az bildirir.
Xırdalan şəhərində yerləşən istirahət məkanlarının birində baş verən münaqişə qanun pozuntusu ilə nəticələnib. Şirvan sakini olan 1993-cü il təvəllüdlü Ş.Hümbətova "Bakı gecələri" restoranında digər bir müştəriyə xəsarət yetirib. Araşdırmalar zamanı məlum olub ki, 33 yaşlı qadın əvvəllər də ağır cinayət törədib və hadisə baş verən vaxt şərti azadlıqda olub.Hadisəyə səbəb restorandakı işıqların yandırılması olub. Ş.Hümbətova tanışı ilə rəqs etdiyi vaxt digər müştərinin müdaxiləsi ilə zaldakı işıqların yandırılmasına əsəbiləşib. Münaqişə zəminində o, masanın üzərindəki qablardan birini qarşı tərəfə ataraq həmcinsini baldır nahiyəsindən yaralayıb.Faktla bağlı Abşeron Rayon Polis İdarəsində Cinayət Məcəlləsinin xuliqanlıq maddəsi ilə cinayət işi açılıb. İstintaq materialları rayon məhkəməsinə təqdim edilib və işə orada baxılıb. Məhkəmə prosesi zamanı təqsirləndirilən şəxsin əvvəlki cinayət keçmişi və şərti cəza müddətində yenidən qanunu pozması nəzərə alınıb.Abşeron Rayon Məhkəməsinin qərarı ilə Ş.Hümbətovaya 2 il 6 ay 3 gün müddətinə qəti həbs cəzası verilib. Hökm elan olunduqdan dərhal sonra o, məhkəmə zalında həbs edilərək istintaq təcridxanasına göndərilib. Hazırda hadisə ilə bağlı hüquqi prosedurlar tamamlanmaq üzrədir.(news24.az)Demokrat.az
Hadisənin gedişatını izləmək üçün ain.az saytında ən son yeniliklərə baxın.
