Putinlə görüşdə Paşinyandan mühüm Qarabağ açıqlaması

Ermənistanın baş naziri Nikol Paşinyan Ermənistanda "Qarabağ hərəkatı"na son qoyulmasının vacibliyini bildirib.

"Yeni Sabah" xəbər verir ki, bu barədə Paşinyan Rusiya Prezidenti Vladimir Putinlə görüşü zamanı danışıb.

Paşinyan bildirib ki, o artıq Ermənistanda açıq şəkildə bəyan edib ki, "Qarabağ hərəkatı"nı davam etdirməməlidirlər: "Çünki Ermənistan və Azərbaycan Alma-Ata Bəyannaməsi çərçivəsində bir-birinin suverenliyini və ərazi bütövlüyünü tanıyıblar", - deyə baş nazir əlavə edib. 

"İrəvan Qarabağı Azərbaycanın tərkib hissəsi kimi tanıyıb", - deyə Ermənistanın baş naziri əlavə edib.