Ermənistanın baş naziri Nikol Paşinyan ilə Rusiya prezidenti Vladimir Putin arasında keçirilən görüşdə rəsmi İrəvanın Kollektiv Təhlükəsizlik Müqaviləsi Təşkilatında (KTMT) iştirakını dondurmasının səbəbləri müzakirə olunub.
Paşinyan bildirib ki, Ermənistan cəmiyyəti qarşısında Qarabağ münaqişəsi zamanı təşkilatın “hərəkətsizliyini” izah etmək mümkün deyil.
KONKRET.az xəbər verir ki, Vladimir Putin isə cavabında vurğulayıb ki, İrəvanın özü tərəfindən qəbul edilmiş diplomatik qərarlardan sonra KTMT-nin müdaxiləsi mümkün olmayıb: “Düşünürəm ki, aydındır – siz 2022-ci ildə Praqada Qarabağın Azərbaycanın tərkib hissəsi olduğunu tanıdıqdan sonra bu prosesə KTMT tərəfindən müdaxilə etmək, artıq daxili Azərbaycan məsələsi xarakteri alan bir vəziyyətdə, tamamilə qeyri-düzgün olardı.”
Natiq Səlim,
KONKRET.az
