Bəzi gündəlik vərdişlər, xüsusilə yatmazdan əvvəl edilənlər, uzun müddətdə böyrəklərin fəaliyyətinə mənfi təsir göstərə bilər.
Publika.az xəbər verir ki, mütəxəssislər xəbərdarlıq edir ki, zərərsiz görünən bəzi davranışlar böyrəklərə əlavə yük yaradır və zamanla ciddi problemlərə səbəb ola bilər.
Bildirilir ki, gecə saatlarında qəbul edilən bəzi maddələr böyrəklərin istirahət prosesini pozur. Xüsusilə nəzarətsiz şəkildə istifadə olunan ağrıkəsicilər, yüksək dozalı vitaminlər və müxtəlif "detoks" içkiləri böyrəklərin filtrasiya funksiyasını çətinləşdirə bilər. Bu isə zamanla toxuma zədələnməsi və böyrək daşlarının yaranma riskini artırır.
Bundan əlavə, enerji içkilərinin gecə saatlarında qəbulu da təhlükəli hesab olunur. Tərkibindəki kofein və digər stimullaşdırıcı maddələr böyrəklərə dolayı yolla təsir edərək onların normal fəaliyyətini poza bilər.
