ABŞ prezidenti Donald Trumpın Ukraynaya Avropa tərəfindən göstərilən yardımı dəstəkləməkdən imtina etməsi həm Kiyev, həm də NATO üçün ciddi nəticələr doğura bilər. Bu barədə Rusiya Dövlət Dumasının beynəlxalq məsələlər komitəsi sədrinin birinci müavini Aleksey Chepa “Gazeta.ru”ya açıqlamasında bildirib.
Deputatın sözlərinə görə, belə bir qərar ilk növbədə Ukrayna üçün fəlakətli olacaq. O qeyd edib ki, əsas müttəfiqin digər tərəfdaşlarla əməkdaşlığı dayandırması alyans daxilində struktur problemlərinə gətirib çıxara bilər.
Çepa əlavə edib ki, bu vəziyyət yalnız Avropa üçün deyil, bütövlükdə NATO üçün də ciddi böhran yarada bilər. Onun fikrincə, hazırkı geosiyasi şəraitdə bu cür addımlar həm NATO-nun, həm də Avropa İttifaqının etibarlılığına şübhə yaradır.
Deputat hesab edir ki, Donald Trump administrasiyası Ukraynaya dəstəyi tam dayandırarsa, Kiyev hərbi-siyasi və iqtisadi çöküşlə üzləşə bilər.
Qeyd edək ki, aprelin 1-də ABŞ-ın NATO-dakı daimi nümayəndəsi Matthew Whitaker bildirib ki, Tramp administrasiyası NATO ilə bağlı bütün məsələləri, o cümlədən Ukraynaya dəstəyi yenidən nəzərdən keçirir. Onun sözlərinə görə, Vaşinqton alyansdakı iştirakı və Avropanın Ukrayna ilə bağlı səylərinə dəstəyini yenidən qiymətləndirir.
