Onu illərdir tanıyıram, amma yaxınlığımızın tarixi 3-4 il olar. Bəzən insan elə olur ki, az müddətdə belə köhnə tanışını doğmasına çevirə bilir. Əli Hacı Ağaevli də belə adamlardandır. Şeyxlər nəslindən gəldiyi üçün mən ona zarafatla yox, içdən gələn bir hörmətlə “Ya Şeyx” deyə müraciət edirəm. Torpaq adamıdır – sadə, səmimi, yerinə və yurduna bağlı. Özünün də dediyi kimi, bizim yaxınlığımız onun kasıb vaxtlarına təsadüf edib. Amma o kasıblığın içində qəlbi o qədər geniş və varlıdır ki, yanında olanda bunu hiss etməmək mümkün deyil.
