Beyləqan rayonunun Yeni Xocavənd qəsəbəsində ağır yol-nəqliyyat hadisəsi baş verib.
Bizim.Media-nın yerli bürosunun verdiyi məlumata görə, 1989-cu il təvəllüdlü Xəqani Quliyevə məxsus "Hyundai" markalı avtomobil digər avtomobillə ötmə əməliyyatı edən zaman idarəetməni itirərək yol kənarındakı ağaca çırpılıb.
Qəza nəticəsində sürücü və digər şəxslər yaralanıb. Yaralananlardan 2009-cu il təvəllüdlü Rüstəmzadə Ömər Qədir oğlu və yaşıdı 2009-cu il təvəllüdlü Əliyev Nahid Rüstəm oğlu Beyləqan Rayon Mərkəzi Xəstəxanasına yerləşdiriliblər.
Hər ikisi əməliyyat olunub, hal-hazırda reanimasiyadadırlar.
Vəziyyətləri kritik olan digər iki yaralı isə Bakı şəhərində yerləşən xəstəxanalardan birinə aparılıb.
Hadisə ilə bağlı araşdırma aparılır.
Leyla Vəfadar, Bizim.Media, Mərkəzi Aran bürosu
