Belçikalı qapıçı Simon Minyole mövsümün sonunda peşəkar karyerasını başa vurmaq qərarına gəlib.
QOL.az xəbər verir ki, 38 yaşlı qolkiperin hazırkı klubu "Brügge" ilə müqaviləsi mövsümün sonunda bitir və tərəflər yeni sözləşmə imzalamayacaqlar. Karyerası ərzində cəmi dörd klubun (Sint-Truiden", "Sunderland", "Liverpul" və "Brügge") şərəfini qoruyan Minyole futbolla vidalaşmağa hazırlaşır.
Qeyd edək ki, təcrübəli qapıçı 2013-2019-cu illərdə "Liverpul"un heyətində çıxış edib və 2019-cu ildə klubla birlikdə UEFA Çempionlar Liqasının qalibi olub. Futbolçu həmçinin "Brügge" ilə iki dəfə Belçika çempionluğunu qazanıb.
