ABŞ vitse-prezidenti seçkilər öncəsi Budapeştdə Orbanla görüşəcək...
Poliqon xəbər verir ki, ABŞ-nin vitse-prezidenti Cey Di Vens 7–8 aprel tarixlərində Macarıstana rəsmi səfər edəcək. Fox News-un məlumatına görə, səfər ölkədə keçiriləcək parlament seçkiləri ərəfəsində baş tutur və siyasi baxımdan mühüm əhəmiyyət daşıyır.
Məlumata əsasən, vitse-prezidentin administrasiyası səfəri artıq rəsmi şəkildə təsdiqləyib. Səfər çərçivəsində Vensin Macarıstanın baş naziri Viktor Orbanla görüşü planlaşdırılır.
Analitiklər qeyd edirlər ki, bu səfər ABŞ ilə Macarıstan arasında münasibətlərin cari vəziyyətini və qarşılıqlı maraqları müzakirə etmək baxımından önəmli platforma olacaq. Eyni zamanda, səfərin Macarıstanda seçkiöncəsi siyasi proseslər fonunda keçirilməsi diqqət çəkir.
Ekspertlərin fikrincə, Vaşinqtonun yüksək səviyyəli nümayəndəsinin belə bir dövrdə Budapeştə səfəri regiondakı siyasi dinamika və Qərb daxilində münasibətlər baxımından əlavə mesajlar daşıya bilər.
Poliqon.info
