SUMQAYIT, 4 aprel. TELEQRAF
Sumqayıt şəhərində yeniyetmənin ölümü ilə nəticələnən bədbəxt hadisə baş verib.
Teleqraf-ın yerli bürosu xəbər verir ki, hadisə şəhərin 3-cü məhəlləsində yerləşən yaşayış binalarından birində qeydə alınıb.
Məlumata görə, Sumqayıt şəhər sakini, 2010-cu il təvəllüdlü İsayeva Fəxriyyə Emin qızı yaşadığı binanın 3-cü mərtəbəsindəki mənzilin eyvanından yıxılıb.
Ağır vəziyyətdə xəstəxanaya aparılan qız dərhal tibb müəssisəsinə yerləşdirilib. Həkimlərin göstərdiyi tibbi yardıma baxmayaraq, o, hadisədən üç gün sonra xəstəxanada vəfat edib.
Hadisənin baş vermə səbəbləri araşdırılır.
