Küveytdə İranın pilotsuz uçuş aparatlarının hücumu nəticəsində iki elektrik stansiyası və duzsuzlaşdırma qurğuları zədələnib.
Moderator.az xəbər verir ki, bu barədə ölkənin Elektrik Enerjisi, Su Resursları və Bərpa Olunan Enerji Nazirliyi məlumat yayıb.
Hücum nəticəsində obyektlərə ciddi maddi ziyan dəyib və iki enerji bloku sıradan çıxıb.
Nazirlik bildirib ki, hadisə zamanı xəsarət alan olmayıb.
Hazırda fövqəladə xidmətlər ölkədə elektrik enerjisinin fasiləsiz təmin olunması üçün tədbirlər görür.
