Ajans.az yerli mediaya istinadən xəbər verir ki, güclü yağışlar nəticəsində su səviyyəsinin kəskin yüksəlməsi yolu su altında qoyub. Nəticədə avtomobillər güclü axının təsirinə məruz qalıb. Respublikanın Regional İdarəetmə Mərkəzinin rəhbəri İsrafil İsrafilov “İnterfaks” agentliyinə bildirib ki, hadisə zamanı avtomobildə olan şəxsləri güclü cərəyan aparıb. Onun sözlərinə görə, Məmmədqala və Gedjux kəndləri arasında yerləşən magistral hissədə bir neçə avtomobil sel sularına qərq olub. Hadisə həm Dərbənd, həm də Mahaçqala istiqamətində qeydə alınıb. Xilasetmə əməliyyatı zamanı yeddi nəfər sudan çıxarılıb. Lakin iki nəfərin həyatını xilas etmək mümkün olmayıb.
