BAKI, 6 aprel. TELEQRAF
Özbəkistan Prezident Administrasiyasının rəhbəri Səidə Mirziyoyeva Mar-a-Laqoda ABŞ prezidentinin xüsusi nümayəndəsi Serxio Qorla görüşüb.
Teleqraf xəbər verir ki, bu barədə Özbəkistan PA-nın rəhbəri sosial media hesabında məlumat verib.
“ABŞ prezidentinin Cənubi və Mərkəzi Asiya üzrə xüsusi nümayəndəsi səfir Serxio Qorla Mar-a-Laqoda görüşməkdən məmnunam.Səmimi qonaqpərvərliyə və səmimi qarşılanmaya görə səmimi minnətdarlığımı bildirirəm. Baş tutan mənalı və konstruktiv dialoqu yüksək qiymətləndirirəm və yaxın günlərdə Vaşinqtonda səmərəli görüşlər keçirməyi səbirsizliklə gözləyirəm”, - Mirziyoyeva qeyd edib.
