İsrail ordusu bildirib ki, Tehranda bazar günü öldürülən SEPAH-ın (İslam İnqilabı Keşikçiləri Korpusu) kəşfiyyat qurumunun rəhbəri Məcid Xadəmi İsrail, ABŞ və İran müxaliflərinə qarşı fəaliyyətlərdə iştirak edib.
İsrail Müdafiə Qüvvələrinin (IDF) yaydığı açıqlamada qeyd olunub ki, Xadəmi İsrail dövlətinə və dünya üzrə yəhudi hədəflərinə qarşı terror fəaliyyətlərinin təşkilində rol oynayıb.
Bəyanatda həmçinin onun amerikalı şəxsləri hədəf alma cəhdlərində iştirak etdiyi və ölkə daxilində etirazların yatırılması çərçivəsində İran vətəndaşlarının izlənməsinə cavabdeh olduğu bildirilib.
İsrail ordusu Xadəmini həm ölkə daxilində, həm də xaricdə həyata keçirilən əməliyyatların əsas fiqurlarından biri kimi xarakterizə edib.
