Gündəlik həyatda qarşılaşdığımız bir çox emosiya və vəziyyət bəzən ağlamaq istəyimizi hiss etməyimizə səbəb olur.
Lakin, ağlamaq həmişə asan və ya mümkün olmur...
Xüsusilə iş həyatında, sosial mühitdə və ya nəzarəti itirmək istəmədiyiniz zaman "ağlamamaq üçün nə etmək lazımdır?" sualı tez-tez araşdırılır.
Medicina.az xəbər verir ki, ağlamaq emosiyaların təbii ifadəsi olsa da, bəzi hallarda bu istəyi idarə etmək mümkündür.
Ağlamaq istəyini yatırmaq və ya minimuma endirmək üsullarına həm zehni, həm də fiziki üsullarla nail olmaq olar.
Bəs ağlamaq istəyini yatırmaq üçün hansı üsullardan istifadə edilməlidir?
NƏFƏS KONTROLU
Ağlamaq istəyi adətən bədənin stress reaksiyası ilə yaranır.
Yavaş, nəzarətli nəfəs alma parasempatik sinir sistemini aktivləşdirir, ürək döyüntüsünü azaldır və bədəni sakitləşdirir.
Xüsusilə 4-4-6 nəfəs alma texnikası bir neçə dəqiqə ərzində emosional intensivliyi azalda bilər.
GÖZ NƏZARƏTİ
Ağlama zamanı göz əzələləri və göz yaşı vəziləri aktivləşir. Yuxarı baxmaq və ya göz qırpmağı idarə etmək bu refleksi müvəqqəti olaraq boğur. Bu üsul xüsusilə dərhal nəzarəti əldə etmək istəyənlər üçün təsirlidir.
SOYUQ SU
Üzü soyuq su ilə yumaq və ya soyuq bir əşyanı tutmaq bədəndə dalğıc refleksini oyadar. Bu refleks ürək döyüntüsünü yavaşladır və stress səviyyəsini azaldır. Beləliklə, ağlamaq istəyi təbii olaraq azalır.
DİQQƏTİN DƏYİŞDİRİLMƏSİ
Beyin həm intensiv emosional, həm də analitik düşüncəyə eyni vaxtda diqqət yetirməkdə çətinlik çəkir. Saymaq, bir əşyanın detallarını araşdırmaq və ya zehni bir iş görmək emosional yükü azaldar və ağlamaq istəyini boğur.
ƏZƏLƏ NƏZARƏTİ
Bədən və duyğu arasında güclü bir əlaqə var. Çənəni sıxmaq, dili damaq damağına basmaq və ya dik durmaq kimi kiçik əzələ hərəkətləri ağlama refleksini gecikdirə bilər. Bu üsul, xüsusən də izdihamlı mühitlərdə tez bir zamanda nəzarəti təmin edir.
Aygün
Medicina.az
