ain.az, futbolpress-az saytından verilən məlumata əsaslanaraq xəbər yayır.
Misli Premyer Liqasının XXVI turunun “Zirə” – “Şamaxı” oyunundan (1:1) sonra qonaq komandanın baş məşqçisi Ayxan Abbasov fikirlərini bölüşüb.
Futbolpress.az xəbər verir ki, mütəxəssis nəticəni belə şərh edib:
“Maraqlı və gərgin oyun oldu. İlk hissədə taktiki döyüş izlədik. Rəqibin ikinci hissədə fərqli oynayacağını bilirdik, amma ilk dəqiqələrdən qırmızı vərəqə almağımız işimizi çətinə saldı. 11 metrlik cərimə zərbəsi də əlavə zərbə oldu. Əsas olan odur ki, qol buraxdıqdan sonra belə, komandamız dağılmadı, şansımızı sona qədər saxladıq. 10 nəfərlə “Zirə” kimi komandadan səfərdə 1 xal almaq bizim üçün uğurdur. Məncə, “Şamaxı” bu mövsüm boyundan yuxarı atlandı, futbolçuların oyunu, çempionata yanaşması məni qane edir. Rəqibi 1 xal münasibətilə təbrik edirəm. Gələcək oyunlarda uğurlar arzu edirəm.”
Daha ətraflı məlumat və yeniliklər üçün ain.az saytını izləyin.
