Bakı, 8 aprel, AZƏRTAC
İran ABŞ-nin onun infrastruktur və enerji obyektlərinə mümkün hücumlarına cavab olaraq Səudiyyə Ərəbistanı və Birləşmiş Ərəb Əmirliklərindəki neft obyektlərinə zərbələr endirə bilər.
AZƏRTAC xəbər verir ki, bu barədə “Tasnim” xəbər agentliyi məlumat yayıb.
Məlumata görə, potensial hədəflər sırasında “Saudi Aramco” şirkətinin obyektləri, Səudiyyə Ərəbistanındakı Yanbu limanı, eləcə də BƏƏ-də yerləşən Həbşan–Füceyra neft boru kəməri göstərilir.
