Atəşgah Həyat Sığorta 2025-ci il üzrə maliyyə nəticələrini açıqlayıb. Şirkət hesabat ilini 10 milyon 341 min manat xalis mənfəətlə başa vurub. Bu isə 2024-cü illə müqayisədə 38,2 % artım deməkdir.
Şirkətin maliyyə hesabatına əsasən, ötən il şirkətin gəlirləri 96 milyon 861 min manat təşkil edib və bu göstərici əvvəlki illə müqayisədə 24,9 % artıb. Eyni dövrdə xərclər 83 milyon 935 min manata çataraq 23 % yüksəlib. Şirkətin mənfəət vergisi üzrə ödənişləri isə 2 milyon 585 min manat olub ki, bu da 38,2 % artım deməkdir.
2026-cı ilin 1 yanvar tarixinə olan məlumata görə, Atəşgah Həyat Sığorta-nın aktivləri 149 milyon 6 min manata çatıb və illik müqayisədə 18 % artıb. Hesabat dövründə öhdəliklər 129 milyon 374 min manata yüksələrək 23,6 % artım göstərib. Balans kapitalı isə 19 milyon 632 min manata enərək 9 % azalıb.
Qeyd edək ki, Atəşgah Həyat Sığorta 1998-ci ildə yaradılıb. Şirkətin nizamnamə kapitalı 6 milyon 500 min manatdır. Səhmlərinin 100 %-i “Ran-Exim” MMC-yə məxsusdur.
