Avropa Yenidənqurma və İnkişaf Bankı 2026-cı ildə İranla bağlı hərbi münaqişədən ən çox zərər görmüş ölkələrin iqtisadiyyatlarını dəstəkləmək üçün 5 milyard avro ayırmağı planlaşdırır. Bu barədə qurumun açıqlamasında bildirilir.
EBRD-nin bəyanatına görə, dəstək proqramı birbaşa böhrandan təsirlənən ölkələrə yönələcək. Bu ölkələrə İraq, İordaniya, Livan, eləcə də Qərb Sahili və Qəzza sektoru daxildir. Bundan əlavə, ilkin yardım alacaq ölkələr sırasında Misir, Türkiyə, Ermənistan və Azərbaycan da yer alır.
Bank nümayəndələri bildiriblər ki, 2026-cı ildə bu iqtisadiyyatlara 5 milyard avro investisiya yönəldilməsi planlaşdırılır. Lakin faktiki məbləğin “sürətlə dəyişən vəziyyətdən” və yaranan ehtiyaclardan asılı olacağı vurğulanıb.
Mart ayının sonunda EBRD, ABŞ və İsrail tərəfindən İrana qarşı həyata keçirilən hərbi əməliyyatlar fonunda fəaliyyət göstərdiyi ölkələrdə iqtisadi perspektivlərin pisləşməsindən narahatlığını ifadə edib. Bank xəbərdarlıq edib ki, enerji qiymətləri yüksək səviyyədə qalarsa, iqtisadi artım proqnozu təxminən 0,4 faiz bəndi azala bilər.
Bank analitiklərinin fevral ayının sonunda açıqladığı qiymətləndirməyə görə, 2026-cı ildə iqtisadi artımın 3,6% səviyyəsində olacağı gözlənilirdi.
