Rusiyada Telegram messencerinin bloklanması əlamətlərini göstərən anomaliyaların nisbəti 10 aprel cümə günü səhər saatlarına qədər 95%-ə çatıb.
Herbiand.az Rusiya mənbələrinə istinadən xəbər verir ki, Rusiyada Telegram-a yeni məhdudiyyətlər tətbiq olunmağa başlayandan bəri ən yüksək anomaliya nisbətidir və artıq digər messencerlərdən daha sərt şəkildə bloklanır.
Cümə səhəri bloklanan Signal və WhatsApp-da anomaliyaların nisbəti 89% olub.
Downdetector və Sboy.rf 10 aprel saat 8-9 radələrində Telegram ilə bağlı şikayətlərin kəskin artdığını bildirirlər. İstifadəçilər tətbiqin yüklənmədiyini və mesajların göndərilə bilmədiyini bildirirlər. Roskomnadzor Telegram-ın bloklanmasının artması ilə bağlı heç bir şərh verməyib.
