Ermənistan Xarici İşlər Nazirliyinin rəhbəri Ararat Mirzoyan ABŞ Dövlət Departamentinin TRIPP layihəsi ilə bağlı açıqlamasında "üçüncü ölkələr"ə istinad edilməsinə aydınlıq gətirib.
"Yeni Sabah" xəbər verir ki, Mirzoyan Amerika bəyanatının mənası ilə bağlı suala cavab olaraq bildirib:
"Qlobal miqyasda əlverişsiz hadisələrə baxmayaraq, hazırda lazımi sənədlərin hazırlanması və təsdiqlənməsi prosesi gedir və tərəflər müxtəlif məsələlər üzrə öz mövqeləri barədə daim məlumat mübadiləsi aparırlar".
Nazir qeyd edib: "Ümid edirik ki, tikinti işlərinə mümkün qədər tez başlayaq. Bunun üçün bizə üçüncü tərəflər lazım olacaq. Ermənistanla ABŞ arasında razılaşma ikitərəflidir. Lakin tikinti mərhələsində üçüncü ölkələrin iştirakı, ehtimal ki, sistem idarəetmə məsələlərində də zəruri olacaq".
Onun sözlərinə görə, layihənin Çindən Portuqaliyaya qədər, yaxın qonşularımızdan danışmasaq da, bir çox ölkələrin maraqlarına uyğun olduğu heç kimə sirr deyil.
Mirzoyan xatırladıb ki, "Tramp Yolu" layihəsi bir ucunda Azərbaycanla, digər ucunda isə Naxçıvanla bitir, lakin onun məntiqi davamı Yerasx (Arazdəyən) vasitəsilə Ermənistan dəmir yollarına və Qars-Gümrü vasitəsilə Türkiyə yollarına birləşmədir. Mərkəzi Asiya ölkələri layihə ilə maraqlanır. Məsələ Qazaxıstan xarici işlər naziri və nəqliyyat nazirinin bu yaxınlarda səfəri zamanı müzakirə olunub.
Telegram kanalımız
