“The Guardian” qəzetinin mənbələrə istinadən verdiyi məlumata görə, ABŞ və İran nümayəndə heyətlərinin qalacağı İslamabaddakı “Serena” oteli bazar günü axşamına qədər dolu olacaq. Hələlik danışıqlar üçün müəyyən bir cədvəl yoxdur.
“Biz otaqları boşaldıb yoxlayırıq, nümayəndə heyətlərinin gəlişini gözləyirik”, – deyə otel işçisi TASS-a bildirib və əlavə edib ki, otel hələlik Serenanın danışıqlar üçün rəsmi məkan olub-olmayacağını bilmir.
7 apreldə ABŞ prezidenti Donald Tramp İranla müharibədə iki həftəlik atəşkəs elan etdi. Onun sözlərinə görə, tərəflər mübahisəli məsələlərin əksəriyyətini həll ediblər və İranın 10 bəndlik təklifləri gələcək danışıqlar üçün “işçi əsas” hesab olunur. Bunlara təcavüz etməmək prinsipi, İranın Hörmüz boğazına nəzarəti, İran ərazisində uran zənginləşdirilməsi, sanksiyaların ləğvi və ABŞ qüvvələrinin bölgədən çıxarılması daxildir. Pakistanın Baş naziri Şahbaz Şərif tərəflər arasında vasitəçi kimi çıxış edərək nümayəndə heyətlərini İslamabada dəvət etdi.
