ain.az, Azertag portalına istinadən məlumat verir.
Vaşinqton, 11 aprel, AZƏRTAC
“Artemis II” missiyası çərçivəsində dörd astronavtı daşıyan ABŞ-ın “Orion” kosmik gəmisi Aya uçuşunu başa vuraraq Yerə qayıdıb.
AZƏRTAC xəbər verir ki, Sakit okeandakı hədəfə eniş yerli vaxtla 20:07-də (Bakı vaxtilə 04:07) baş tutub.
Enişdən sonra NASA astronavtları “Orion” kosmik gəmisindən bir-bir çıxarmağı və helokopterlə ABŞ Hərbi Dəniz Qüvvələrinin gəmisinə göndərməyi planlaşdırır.
10 günlük “Artemis II” missiyası zamanı heyət 50 ildən çox müddətdə Aya doğru səyahət edən ilk insanlar olub və Yer kürəsindən indiyə qədər qət edilən ən uzaq məsafə ilə bağlı yeni bir rekord qırıblar.
Ekipajda NASA astronavtları Rid Vaysman (Reid Wiseman), Viktor Qlover (Victor Glover) və Kristina Kox (Christina Koch), eləcə də Kanada Kosmik Agentliyinin astronavtı Ceremi Hansen (Jeremy Hansen) yer alıb.
Məlahət Nəcəfova
AZƏRTAC-ın xüsusi müxbiri
Vaşinqton
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
