ABŞ prezidenti Donald Tramp Papa XIV Leonun “cinayətkarlıq məsələsində zəif, xarici siyasətdə isə bərbad” olduğunu iddia edib.
Tramp bildirib: “Mən onu yox, qardaşı Luisi daha çox sevirəm, çünki Luis tam bir MAGA tərəfdarıdır. O anlayır, Leo isə anlamır. İranın nüvə silahına sahib olmasının problem olmadığını düşünən bir Papa istəmirəm”.
O əlavə edib ki, Leo heç bir siyahıda Papa olmaq üçün əsas namizəd olmayıb və yalnız amerikalı olduğu üçün, onun fikrincə, kilsə tərəfindən bu vəzifəyə gətirilib ki, bu, Prezident Donald Tramp ilə daha yaxşı münasibət qurma yolu hesab edilib.
Tramp Papaya çağırış edərək deyib ki, “özünü toparlamalı, daha sağlam düşüncəli olmalı, Radikal Sola xoş görünməkdən vaz keçməli və siyasətlə deyil, yaxşı Papa olmaqla məşğul olmalıdır”. O vurğulayıb ki, bu davranış həm onun özünə, həm də Katolik Kilsəsinə zərər verir.
ABŞ prezidenti bu fikirləri sahibi olduğu “Truth Social” platformasında paylaşıb. Daha sonra isə özünü İsa Məsih kimi təsvir edən bir görüntü də yayımlayıb.
