ain.az, Demokrat.az portalından verilən məlumatlara əsaslanaraq xəbər verir.
Türkiyənin tanınmış sənətçisi və teleaparıcısı Seda Sayan "Kafa Tv" proqramında gənc qızlara ünvanladığı tövsiyələri ilə diqqət mərkəzinə düşüb. Müğənni müasir dövrdə münasibətlərdəki maddi gözləntilərin real dəyərləri üstələdiyini vurğulayıb.Demokrat.az-ın məlumatına görə Seda Sayan bildirib ki, qızların qarşı tərəfdən gözləntiləri həddindən artıq yüksəkdir. İfaçı gənclərin seçim meyarlarını bu cür tənqid edib:"Qızların gözləntiləri çox yüksəkdir. Qarşınızdakı gəncin bir az da büdcəsinə görə davranmaq lazımdır. Kişinin sizə verəcəyi dəyərə yox, maşınına baxırlar. Sonra da deyirlər ki, 'Necə evlənirsiniz? Evlənəcək adam tapa bilmirik'. Evlənəcək adam çoxdur. Əvvəlcə bir az dayanıb düşünməlisiniz: gözləntiniz nədir? O kişinin ailənizə münasibəti necədir, sizə münasibəti necədir? Bunlar vacibdir. Yaxşı oğlanları boşuna itirirsiniz, etməyin".Sənətçi qeyd edib ki, evlənmək üçün uyğun namizədlər əslində çoxdur, lakin maddi meyarlar ön plana çıxdığı üçün yaxşı keyfiyyətlərə malik olan gənclər diqqətdən kənarda qalır. O, qadınların iqtisadi azadlığının vacibliyini bu sözlərlə ifadə edib: "İt kimi işləyib, kraliça kimi yaşayıram. Öz pulunuzu qazanın, heç kimin cibinə baxmayın. O zaman insanın qəlbinə, xarakterinə fikir verərsiniz. Öz pulunuzu qazanın, qızlar".Münasibətlərin ilkin mərhələsindəki maliyyə məsələlərinə toxunan aparıcı qızlara sərt xəbərdarlıq edib: "Sevgiliniz sizə 'Pul lazımdır, mənim üçün kredit götürərsən?' deyəndə dərhal uzaqlaşın. Borcu varsa, yenə uzaqlaşın. Qoy əvvəl borclarını bağlasın, sonra gəlsin. Əgər evlənməmişdən əvvəl belə davranırsa, bu, problemdir. Amma evlisinizsə və birlikdə borcun altına girirsinizsə, bu normaldır. Xahiş edirəm, belə məsələlərə diqqət edin".Demokrat.az
Daha ətraflı məlumat və yeniliklər üçün ain.az saytını izləyin.
