Qeyri-neft sektorunda ixracın artması ilə bağlı rəsmi statistik göstəricilər müsbət dinamikanı nümayiş etdirsə də, bu artımın daxili bazara təsirləri müzakirə mövzusuna çevrilib. Xüsusilə yeyinti məhsulları üzrə ixracın yüksəlməsi fonunda ölkə daxilində qiymətlərin enməməsi, əksinə, bəzi hallarda artım müşahidə olunması suallar doğurur. Ekspertlər hesab edir ki, bu vəziyyət bazar iqtisadiyyatının təbii nəticəsi olsa da, daxili istehsalın yetərsizliyi problemini daha qabarıq göstərir.
