Bizimyol portalından verilən məlumata əsasən, ain.az bildirir.
“Hizbullah” silahlıları İsrailin Yuxarı və Qərbi Qalileya bölgəsində yerləşən yaşayış məntəqələrinə raket və minaatan zərbələri endirib, onlara doğru onlarla raket buraxıblar.
Bizimyol.info xəbər verir ki, bu barədə "Al-Mayadeen" telekanalı məlumat verib.
Məlumata əsasən, atəşə tutulan ərazilər arasında Kiriyat-Şmona, Metula və Naharija şəhərləri, eləcə də Doviv, Kfar-Vradim, Misgav-Am, Mitsuva, Şavey-Sion, Şlomi və Yaara qəsəbələri olub. Buraxılan mərmilərin böyük hissəsi Dəmir Qübbə tərəfindən zərərsizləşdirilib və ya yaşayış olmayan ərazilərə düşərək ziyan vurmayıb.
Bundan əvvəl “Hizbullah” Telegram kanalında yaydığı hərbi bəyanatda bildirib ki, təşkilatın pilotsuz uçuş aparatı Matat bölgəsində İsrail ordusunun kazarmalarına və Yarunda yerləşən artilleriya batareyalarına zərbə endirib. Mətndə qeyd olunur ki, bu əməliyyatlar “İsrailin atəşkəs razılaşmasını pozmasına və Livana qarşı davam edən aqressiv hücumlarına cavab olaraq” həyata keçirilib.
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
