Kamboca Çində istehsal olunmuş ilk “Type-056C” korvetini qəbul edib. Gəmi tam heyətlə Reamdakı hərbi-dəniz bazasına gəlib.
Herbiand.az bildirir ki, orada rəsmi təhvil-təslim mərasimi keçirilib.
Pekin 2024-cü ildə Kambocaya iki belə korvet təhvil verməyə razılıq verib. Korvetlərin təhvil verilməsi Çin-Kamboca müdafiə əməkdaşlıq sazişi çərçivəsində göstərilən yardımın bir hissəsidir. İkinci gəminin 2026-cı ilin iyun ayında təhvil verilməsi planlaşdırılır.
Korvetin təhvil verilməsindən əvvəl Kamboca Hərbi Dəniz Qüvvələri əsasən kiçik patrul qayıqlarından istifadə edirdi. Bu da onun dəniz müdafiəsi aparmaq qabiliyyətini məhdudlaşdırırdı.
Hər bir korvet təxminən 60 nəfərlik heyət üçün nəzərdə tutulub. Uzunluğu 88,9 metr, eni 11,1 metrdir.
Gəmilərin dizaynına bir orta sinif helikopteri yerləşdirə bilən meydança daxildir, lakin anqarın olmaması texniki xidməti və uzun hava əməliyyatlarını məhdudlaşdırır.
Silahlanmaya bir 76 mm-lik H/PJ-26 universal top və yaxın məsafəli döyüş üçün iki 30 mm-lik H/PJ-17 uzaqdan idarə olunan top sistemi daxildir.
Bəxtiyar CƏFƏRLİ
