Demokrat.az saytından verilən məlumata əsasən, ain.az məlumatı açıqlayır.
Sızanaqlar tam şəkildə keçmirsə və daim təkrarlanırsa, bu hal insulinrezistentlik və digər sağlamlıq problemlərindən xəbər verə bilər.Demokrat.az xəbər verir ki, bu barədə dermatoloq, veneroloq, mikoloq və trixoloq Dmitri Ellinski “gazeta.ru”ya açıqlamasında bildirib.Həkimin sözlərinə görə, dəri iltihabı müəyyən dövr üzrə inkişaf edir: dəri həddindən artıq, bəzən isə keyfiyyətsiz piy ifraz edir, məsamələr daha asan tutulur, yağ vəzilərində iltihab yaranır və nəticədə yeni səpgilər əmələ gəlir.“Problem yalnız ‘çirkli dəri’ və ya düzgün olmayan qulluqla bağlı deyil. Burada mikro və makronutrient çatışmazlığı, xroniki zəif intensivlikli iltihab (ən çox rast gəlinən nümunə insulinrezistentlikdir), hormonal dəyişikliklər və xronobioloji ritmlərin pozulması mühüm rol oynayır”, – deyə həkim vurğulayıb.Ellinskinin fikrincə, təmiz dəriyə nail olmaq üçün səbəblər fərdi şəkildə araşdırılmalıdır. Ən yaxşı nəticə “möcüzəvi krem”dən deyil, həyat tərzini, qidalanmanı, fərdi seçilmiş xarici qulluq vasitələrini, mövcud səpgilərin müalicəsini və tetikleyici amillərin nəzarətdə saxlanmasını əhatə edən kompleks yanaşmadan əldə edilir.“Hər bir insanda səbəblər fərqli ola bilər: kimdə insulinrezistentlik və hormonal təsirlər, kimdə stress və iltihabı artıran qidalanma, bəzən isə bir neçə faktorun birləşməsi müşahidə olunur. Davamlı iltihabların dəqiq səbəblərini yalnız həkim müəyyən edə bilər”, – deyə o qeyd edib.Həkim əlavə edib ki, bəzi hallarda spesifik qida məhsullarına qarşı anticisimləri müəyyən edən Food Xplorer adlı analiz təyin oluna bilər. Onun sözlərinə görə, xroniki dəri problemləri olan bir çox pasiyentdə “sızan bağırsaq” (leaky gut) adlandırılan vəziyyət müşahidə olunur. Bu zaman bağırsağın keçiriciliyi artır, bəzi maddələr qana keçərək immun cavab yaradır. Analiz nəticələrinə əsasən həmin qidaların rasiondan çıxarılması aknenin kəskinləşmə riskini azalda və uzunmüddətli remissiyaya kömək edə bilər.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
