Türkiyənin Kahramanmaraş vilayətində orta məktəbə silahlı hücum edən İsa Aras Mersinlinin “WhatsApp” profil şəklində ABŞ-də kütləvi qətl törədən Elliot Rodgerin fotosunu istifadə etdiyi məlum olub.
“Yeni Sabah” xəbər verir ki, Rodger 2014-cü il mayın 23-də Kaliforniyanın İsla Vista şəhərində bıçaq və silahla 6 nəfəri öldürmüş, daha sonra intihar etmişdi.
Hücumu atasına məxsus silahlarla həyata keçirən 18 yaşlı Mersinli də insidentdən sonradan intihara əl atıb.
Şübhəlinin yaşadığı ünvanda və atasına məxsus avtomobildə aparılan axtarışlar zamanı aşkarlanan rəqəmsal materiallar ekspertizaya göndərilib.
Xatırladaq ki, İsa Aras Mersinli 8 şagird və 1 müəllimi öldürüb, 17 şagird yaralanıb.
Əsmətxanım Rzazadə
Telegram kanalımız
