Rusiyanın xarici işlər naziri Sergey Lavrov Antalya Diplomatik Forumunda iştirak etmək üçün Türkiyəyə səfər edib.
Musavat.com xəbər verir ki, bu barədə TASS agentliyi məlumat yayıb.
Məlumata görə, Lavrov forum çərçivəsində xüsusi sessiyada çıxış edəcək. Eyni zamanda onun xarici həmkarları ilə ikitərəfli görüşlər keçirməsi də planlaşdırılır.
Rusiya Xarici İşlər Nazirliyinin sözçüsü Mariya Zaxarova daha əvvəl keçirdiyi brifinqdə Lavrovun proqramında bir sıra mühüm təmasların nəzərdə tutulduğunu bildirmişdi.
Musavat.com
