“Real” cari mövsümün sonunda baş məşqçi postunda dəyişiklik etməyi planlaşdırır.
Sportinfo.az xəbər verir ki, bu barədə “Ekip” nəşri məlumat yayıb.
“Kral klubu”nun rəhbərliyi iki tanınmış mütəxəssisi diqqət mərkəzində saxlayır. Söhbət italiyalı Massimiliano Alleqri və argentinalı Maurisio Poçettinodan gedir. Alleqri hazırda “Milan”ı, Poçettino isə ABŞ millisini çalışdırır.
“Real”ın baş məşqçisi ispaniyalı Alvaro Arbeloadır. Komanda onun rəhbərliyi altında La Liqada turnir cədvəlinin 2-ci pilləsində qərarlaşıb,
Çempionlar Liqasında isə 1/4 finala qədər irəliləyib və bu mərhələdə “Bayern”ə ümumi hesabda məğlub (4:6) olaraq, mübarizəni dayandırıb.
