ABŞ nümayəndələri İslamabada gedir

Ajans.az xəbər verir ki, bu barədə ABŞ prezidenti Donald Tramp bildirib. 

O, İranın dünən Hörmüz boğazında Fransa və Britaniya gəmilərinə atəş açdığını deyib və bunu "çirkin hərəkət" adlandırıb. 

"İran bu yaxınlarda boğazı bağladığını elan etdi, bu qəribədir, çünki blokadamız artıq onu bağlayıb. Onlar bizə xəbərsiz kömək edirlər və boğazı bağladıqlarına görə gündə 500 milyon dollar itirənlər onlardır! ABŞ heç nə itirmir", - deyə Tramp sosial media platforması "TruthSocial"da yazıb.

ABŞ prezidenti bir daha qeyd edib ki, Vaşinqton "məqbul bir razılaşma" təklif edir və İran bunu qəbul etməsə, ABŞ ordusu İslam Respublikasındakı "bütün elektrik stansiyalarını və körpüləri vuracaq".