Əmək və Əhalinin Sosial Müdafiəsi Nazirliyinin “Əmək və Məşğulluq” altsistemində (ƏMAS) yeni funksionallıq istifadəyə verilib.
Publika.az xəbər verir ki, bu barədə Dövlət Əmək Müfəttişliyi Xidməti məlumat yayıb.
Bildirilib ki, dövlət satınalmalarında iştirakla bağlı “Uyğunluğa dair sənədlər toplusu”nda nəzərdə tutulan və Nazirlər Kabinetinin müvafiq qərarına uyğun olaraq təqdim edilən arayış artıq elektron qaydada işəgötürənlərə təqdim olunur.
"Sözügedən arayış “Son bir il ərzində iki dəfə və ya daha çox Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsinə görə inzibati cərimənin tətbiq edilməsi” hallarına dair məlumatları əhatə edir.
